Nag-iisip habang nagmamasid
Habang nakatingin sa himpapawid
Mga ibong sumasaliw sa pawid
Sa ligaya ng hanging batid
Nagtatanto ako
Tabi ng bulaklak na kay bango
Sa gilid ng batis ng buhay na nakatago
Kung saan nandun ang kagalingan ng isang tao
Natanto ko sa tamang panahon
Sa buhay natin ay sadyang aahon
Sa talulot ng agos sa bawat alon
Sa galak tayo ay magsisipagtalon
Napagtanto ko na
Ang kasiyahan ay nakamtan na
Pagkat pinagkalooban ng biyaya
Sa buhay na sadyang kay saya!
